Azərbaycan Dilinin Orfoqrafiya Lüğəti

Məlum olduğu kimi, Azərbaycan dilinin orfoqrafiya lüğəti ədəbi dildə işlənən sözlərin düzgün yazılış formalarını özündə ehtiva edən və peşəsin- dən, vəzifəsindən asılı olmayaraq, həmin dilin daşıyıcısı olan hər bir kəsin, cəmiyyətin hər bir üzvünün – bir sözlə, bütün vətəndaşların istifadəsi üçün zəruri olan dəyərli və mötəbər bir qaynaqdır. Mükəmməl və sanballı orfoq- rafiya lüğəti dövrün dil mənzərəsini əks etdirməklə yanaşı, eyni zamanda onun söz varlığının keçmişini və bu gününü, sözyaratma imkanlarının zən- ginliyini də ortaya qoyur ki, bu baxımdan da bütövlükdə cəmiyyət üçün xü- susi əhəmiyyət daşıyır. Məhz buna görə də elmi əsaslara söykənən, Azər- baycan dilinin bütün üslublarının rəngarəng lüğət tərkibini əhatə edən orfoq- rafiya lüğətinin tərtibi çətin və məsuliyyətli olduğu qədər, həm də mühüm və əhəmiyyətli bir işdir.